A Aula de Informática (CeMIT) é un servizo de uso público que se oferta a todo o municipio para facilitar e achegar o mundo da informática á cidadanía, ós profesionais e ás empresas. Pertence á Red de Centros para la Modernización e Inclusión Tecnológica (CeMIT), proxecto presente en toda Galicia.

Está situada no Teleclub de San Cosme e accédese pola porta lateral do mesmo.

Conta con 12 ordenadores de última xeración e un ordenador con equipamento adaptado a persoas con discapcidades físicas, impresora e conexión a Internet. Na aula impártese formación (talleres gratuítos) que pretende cubrir as necesidades da cidadanía en canto a novas tecnoloxías, á vez que se pon a disposición dos cidadáns o equipamento informático para uso libre.